Haray

Film Xocalı faciəsi haqqındadır. Burada iki yeniyetmənin-qardaşla(Tacir Əzizov) bacının(Nüşabə Abdullayeva) düşmən əhatəsindən çıxmaq üçün olmazın əzablara qatlaşmalarından danışılır. Ermənilərin azərbaycanlı əsirlərə verdikləri olmazın əzablara şahid olan iki yeniyetmə, çıxış yolunu özlərini dağdan atmaqda görürlər.
Kinolent yazıçı Nüşabə Məmmədovanın "Haray" pyesinin motivləri əsasında çəkilmişdir.
Film Qurani-Kərimin Fatihə surəsi ilə başlayır.
Filmin çəkilişlərinə Xocalı, Hacıkənd, Xanlar(indiki Göygöl), Goranboy rayonlarının və Gəncə şəhərinin camaatı köməklik göstərmişdir.